Zechariah 2
Tehna Khau Tawi Mi Khat
1Tua ciangin ka ento a - ka mai-ah a khutin tehna khau a tawi mi khat a na om hi! 2“Koi ah pai ding na hiam?” ci-in ka dong hi. Amah in, “Jerusalem bangcia zai-a bangtan sau hiam cih theih nadingin a teh ding ka hi hi,” hong ci hi. a 3 Tua ciangin kei hong hopih vansawltak paikhia a, vansawltak dang khatin na dawntuahin, 4ama kiangah: Tai inla tua tangvalpa kiangah, “Jerusalem kulh nei lo khuapi a suak ding hi. Bang hang hiam cih leh a sungah mihing ganhing tam lua mahmah hi. 5Kei mahmah a kimkotah mei kulhpi ka hi dinga, a sung lam pan a minthanna ka hi ding hi, TOPA in ci hi,’ va ci in. b 6 TOPA in, “Hong pai ou! Hong pai ou! Leilu-lam gam panin tai ou,’ ci hi. Ahang in, note, vantung huih lite lakah kong thehthang zo hi,” TOPA in cikhia hi. c 7 “Zion aw, hong pai ou! No Babylon Tanu sunga tengte suakta un.” 8Ahang in, Thahatpen TOPA thugen hih ahi hi: “Amah in kei hong pahtawi khina, nang hong luhgawp minamte langah kei hong sawla - nang hong khoihkha peuhmah ama mit nauta khoihkha ahi hi - 9a silate un amaute na a luh nadingun amaute langah ka khut ka kha taktak ding hi. ▼▼2.8,9 Ahikeh nang hong gente... mit: 9Keimah in amaute ka lawkgawp ding hi.”
Tua ciangin Thahatpen TOPA in kei hong sawl ahilam na thei ding uh hi. 10 “Zion Tanu aw, nuam inla kiko in. Ahang in, kei kong pai ta a, note lakah kong teng ding hi,” TOPA in cikhia hi. 11Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi. 12TOPA in gam siangtho-a a tanh bangin Judah luah dinga Jerusalem a teel kik ding hi. 13Mite khempeuh aw, TOPA mai-ah daitakin om un, bang hang hiam cih leh amahmah a tenna mun siangtho panin dingkhia ta hi,” a ci hi. e
Copyright information for
ZomZIV